IkFiedNow
Jokate Mwegelo ni muasisi na Mkurugenzi wa Kidoti Foundation na mjumbe wa Global Network of Young Decision Makers wa Club de Madrid – mtandao wa kimataifa wa viongozi vijana wanaochaguliwa kwa uongozi wa kipekee na dhamira ya kuleta mabadiliko chanya kwenye jamii zao.
Ameonyesha uongozi bora tangu akiwa mtoto, akiwa na malezi ya kidiplomasia. Alianza shule ya msingi Olympio Primary School, kisha St. Anthony Secondary School kama Makamu wa Head Girl na Katibu Mkuu wa Model United Nations Tanzania, na Loyola High School kama Head Prefect.
Akiwa anasoma Shahada ya Sayansi ya Siasa na Falsafa katika Chuo Kikuu cha Dar es Salaam, Jokate alihitimu. Akiwa chuoni, alianzisha na kuratibu Tawi la Umoja wa Mataifa la Chuo Kikuu cha Dar es Salaam mwaka 2008 na kuandaa kampeni ya Stand Up kuelekea Malengo ya Milenia na Tamasha la Mwalimu Nyerere.
Baada ya kuhitimu, aliingia kwenye ulimwengu wa media, akikusanya zaidi ya miaka 6 ya uzoefu kama mtangazaji wa Bongo Star Search na mchangiaji wa The Citizen Magazine katika masuala ya wanawake na wasichana.
Hata hivyo, mwaka 2012, alizindua rasmi kampuni yake ya Kidoti Loving Company Limited, Kampuni ilijikita katika nywele, viatu, mabegi na bidhaa za urembo.
Mwaka 2018, alitangazwa kuwa Mkuu wa Wilaya ya Kisarawe na Rais John Magufuli, nafasi iliyomfanya kuwa mmoja wa viongozi wachanga wenye ushawishi zaidi nchini, na mwaka 2021 aliteuliwa na Rais Samia Suluhu Hassan kuwa Mkuu wa Wilaya ya Temeke. Pia aliwahi kuhudumu kama Mkuu wa Wilaya ya Korogwe, Katibu Mkuu wa UWT na Katibu Mkuu wa UVCCM hadi Agosti 2025.
Mwaka huu 2026, amezindua rasmi Kidoti Foundation kama mkono wa kijamii na kimaendeleo wa kazi yake. Kupitia Kidoti Foundation, kwa sasa ni Mkurugenzi wa Kidoti Foundation na mlezi wa Chama cha Salunisti Tanzania.
Kidoti Foundation ni asasi isiyo ya kiserikali ya Kitanzania inayojenga mazingira ambayo vijana wanahitaji kufanikiwa – elimu, uongozi, ujasiriamali, michezo na jamii – kwa kushirikiana na serikali, sekta binafsi na jamii. Kama ilivyoandikwa kwenye tovuti yao.
Miradi yake ya sasa kupitia Foundation inajumuisha ziara ya kielimu kusaidia wanafunzi 120 wa sayansi, kuhamasisha ujifunzaji wa sayansi kwa vitendo ili kuongeza kujiamini kwa wasichana, na kuwawezesha vijana kufikiri kwa kina, kubuni na kutatua matatizo ili kuwa wabunifu na viongozi wa baadaye.
Jokate ni mtaalamu aliyetambuliwa kama Forbes 30 Under 30 Africa 2017, miongoni mwa Vijana 100 Wenye Ushawishi Zaidi Afrika, Mshindi wa Tuzo ya Malkia wa Nguvu 2017, na Tuzo ya Heshima ya Uongozi “Honorary Award – Excellent Leadership Icon” katika East Africa Youth Awards.
