Kabla ya majina makubwa na mizigo ya kuvuka mipaka, Rosemary Raymond Kimaro alikuwa ni binti mdogo wa likizo anayefuatilia nyayo za baba yake kwenye korido za Dianarose, kampuni aliyoijenga kwa mikono yake, na kifo chake mwaka 2018 kilipomkabidhi urithi huo mapema.
Rosemary alingia uwanjani na kubadilisha kabisa hadithi. Aliigeuza Dianarose kutoka biashara ya ndani kuwa chapa ya usafirishaji wa kikanda inayohudumia wateja wa kimataifa, kwa msururu wa magari 130 yaliyoidhinishwa.
Ujasiri huo ulimpeleka jukwaani mwa East Africa Cargo Connect Summit 2025, kama mmoja wa wanawake saba waliotajwa kuongoza sekta ya ugavi, na mwaka huo huo akapaa hadi Dubai kupokea heshima ya Women In Management Africa, miongoni mwa wanawake 25 wanaobadilisha uongozi barani.
Safari hiyo sasa imevikwa taji jipya tarehe Juni mwaka huu, alipoingia kwenye orodha ya Forbes Africa 30 Under 30, uthibitisho kwamba yale masomo ya likizo za utotoni yamekomaa kuwa urithi wa kibiashara unaovuka mipaka.
